BMIM/SG Pinoy Bloggers - Sa Ikaapat na Sabak

Kamakailan lang ay nagbunyi ang buong dabarkads sa Eat Bulaga dahil sa kauna-unahang pagkakataon ay meron isang tv show sa Pinas na pinranchise sa ibang bansa. Ang Eat Bulaga Indonesia. Teka! sila lang ba? Kami din uh!! ......

------

Nitong nagdaang sabado ay naganap ang ikaapat na sabak sa Quezon City. Hindi lang isa, dalawa o ang kinakatakot naming apat nung simula. Maraming nakiisa, nakilahok, sumama at nakipagbunuan kay haring araw mapaabot lamang ang konting tulong para sa ilang mga bata. At ang isa sa nakakatuwang katotohanan, mayroong isang grupo ng mga bloggers na naka destino sa Singapore ang nagpaabot ng malaking tulong sa BMIM. Sila ang gumastos sa ikaapat na sabak. Sila ang susi sa pinto nung sabado. Mas lalo naming napatunayang hindi kaya ng daan-daang milyang dagat para paglayuin ang Pinoy sa isa pang Pinoy. Katawan lamang ang magkalayo hindi ang puso. Distansya lang ang malayo, hindi ang puso.

Sa tulong nila, naging mas organisado ang ikaapat na sabak. Hindi namin mapaliwanag ang saya at ang pwede pa naming sabihing pasasalamat sa kanila, alam naming kahit gumawa kami ng bidyo ng "Call me Maybe" mapasaya man lang sila ay kulang pa din. Taos pusong sagad sa buto ang pasasalamat namin sa kanila. Nawa'y hindi sila magsawa na tulungan ang munting proyektong ito na naglalayong pasilipin sa ilang mga batang medyo kapos sa buhay na hindi hadlang ang kahirapan para magkaroon ng maayos na damit. 

Ilang beses ko na din nasabi nung una ay medyo kabado talaga kami, dahil hindi namin alam kung sa susunod na sabak ay may makikiisa pa at kung saan ito tutungo. Para kaming nagluto ng isang putaheng nilako sa daan pero walang pumapansin. Parang karenderyang maraming promo pero wala pa ding nakain. Ganon kami kakabado. Pero dahil na din sa tulong ng ating mga kaibigan sa mundo ng blogspot at wordpress, kumalat ang balita. Bumenta ang putaheng hindi nabibili at binalik-balikan ng mga suki sa karenderya ang masasarap na lutuin. Salamat sa umayos, umaayos at aayos pa sa bawat sabak.

Sa grupo ng SG Bloggers, hayaan niyong iparamdam namin sa inyo ang mumunting pasasalamat. Antayin niyo sa hangin ang masigabo at mahigpit naming yakap. Yakap ng bawat miyembro at ng mga batang natulungan niyo. Maraming salamat guys..

Andito sila..

 

Ito din ang ilang nakiisa at makikiisa pa.

Hanggang sa susunod na sabak. Hanggang sa susunod na yapak!

-----

Gusto mo makiisa? Click mo ung nasa baba!

Para sa ngiti.

- JayPee

http://blogmoipasuotmo.tk/
http://www.facebook.com/blogmoipasuotmo

**Related posts:
http://tksalaulasatinta.blogspot.com/2012/08/blog-mo-ipasuot-mo-4th-sabak-solb.html
http://heavenknowsmj.blogspot.com/2012/08/bmim-ika-apat-na-sabak.html
http://otep.wordpress.com/2012/08/28/bmims-4th-sabak-joyride/
http://pabloquaderno.wordpress.com/2012/09/17/blog-mo-ipasuot-mo-oha-pang-apat-na-2/